matematikk.net

Er det noen som har hatt grunnkurs i matematikk 2 eller kombinatorikk ? På UIB heter kursene MAT112 og MAT221.

Ferdig meg eksamen i matematikk 2 ved NTNU for noen dages siden ca :p Vet ikke om det er samme faget.

MacGyver: MAT112 har følgjande i Adams bok som pensum: 8.1, 8.6, 9.4-9.9, 10.1-10.4, 11.1, 11.3-11.4, 12.7, 13.1-13.3 og appendix II og III.

DarkMatter: Eg skal ha eksamen i MAT112 neste onsdag; MAT221 tok eg sist haust. Det første faget kunne med fordel hatt litt meir av kapittel 12 som pensum (er du som meg, så har du kanskje lett for å konsentrera deg mest om pensum, men seksjonane 12.4 og 12.5 kan vera ein god idé å bla gjennom), men ingen av dei er spesielt vanskelege, viss det er det du lurer på. Kombinatorikken inneheld forresten litt om partielle ordningar, og det er jo i alle fall indirekte relevant for algebra og reell analyse seinare (og spelteori, dersom du ynskjer ein stringent definisjon av speltre og ekstensive spel.) Dette med grafteori er jo i alle høve eit interessant emne, uavhengig om du er interessert i informatikk eller ei.

Hvordan synes du fagene var i forhold til MAT111 ?

MAT112 er jo berre eit lite steg vidare på det som var i MAT111; medan MAT111 hovudsakleg handla om reelle funksjonar med ein enkelt reell variabel, så handlar MAT112 om respektive vektorfunksjonar med ein enkelt reell variabel og om reelle funksjonar med fleire variablar. Overgangen skulle ikkje vera særleg skremmande, men litt vanskelegare er det jo. Vektorrekning kan ein jo frå før av, og partielle deriverte vart ein jo så smått vant med allereie i MAT111.

På UiB sine nettsider står det at MAT221 har MAT111 som tilrådd forkunnskap, men eg kan lova deg at samanhengen mellom faga er så godt som null. Det einaste må vera at du må kunna litt om (formelle) potensrekkjer, summar av slike og litt derivasjon og integrasjon, slik at du kan takla genererande funksjonar. Dette står det litt om i kapittel 9 i Adams bok, men for MAT221 er det nok å takla det intuitivt: Formelle potensrekkjer stiller i utgangspunktet ikkje krav til konvergens (x'ane står ikkje for noko spesifikt), og derivasjonen og integrasjonen kan gjerast leddvis. Eg hadde i alle fall ingen problem med faget; fekk A sjølv om det var eit av dei aller første faga eg tok på universitetet (faktisk før eg hadde gått skikkeleg gjennom MAT111).

Med andre ord: Taklar du MAT111 godt, vil du nok takla MAT112 nokolunde like godt og MAT221 minst like godt.